Абай атындағы жалпы білім беретін мектеп
Ресми интернет-ресурс

Жаңалықтар

“Әкім Тарази және Мұстафа Шоқай тұлғасы” тақырыбында әдеби -танымдық кеш

Түркістан облысы,Отырар ауданы,Абай атындағы жалпы білім беретін мектебінде 21.09.26 ж “Оқитын сынып” жобасы аясында 9 сынып оқушылары арасында Әкім Тарази өмірі мен шығармашылығына арналған “Әкім Тарази және Мұстафа Шоқай тұлғасы” тақырыбында әдеби -танымдық кеш ұйымдастырылды.
Мақсаты:Оқушыларға жазушының өмірі мен шығармашылық,қоғамдық қызметі туралы кеңінен мағлұмат беру. Тарихи тұлғаларды құрметтеуге,отансүйгіштікке тәрбиелеу.
Іс- шара мазмұнды әрі тәрбиелік бағытта өтіп, оқушылардың тарихи санасын қалыптастыруға және ұлттық құндылықтарды дәріптеуге мүмкіндік берді.
Кітап оқу арқылы біз өткенді танимыз,бүгінді түсінеміз және болашаққа ой түзейміз

2026 жылғы 23 қыркүйек күні Абай атындағы жалпы білім беретін мектебінде тілдер айлығы аясында мектеп ұжымы мен 8–10 сынып оқушыларына көтеріңкі көңіл-күй сыйлаған «Көңілді үзіліс» шарасы өткізілді.

Мектеп ұжымы үшін ұйымдастырылған бөлімде ұстаздар қызықты ойындарға қатысып, тапқырлықтары мен белсенділіктерін көрсетті. Көңілді тапсырмалар әріптестер арасында жағымды көңіл-күй қалыптастырып, ұжымдық ынтымақтастықты нығайта түсті.
8–10 сынып оқушыларына арналған бөлімде білім алушылар орыс тіліндегі ойындар мен тапсырмаларға белсене қатысып, тілдік білімдерін тәжірибе жүзінде қолданды. Оқушылар өздерінің шапшаңдығын, тапқырлығын және шығармашылық қабілеттерін көрсетті.
Шараның басты мақсаты – орыс тіліне деген қызығушылықты арттыру, тілдік дағдыларды ойын арқылы дамыту, мектеп ұжымы мен оқушылар арасындағы достық қарым-қатынасты нығайту.
«Көңілді үзіліс» шарасын орыс тілі мен әдебиеті пәнінің мұғалімдері Жұмабай Замира және Омархан Ақбота ұйымдастырып өткізді.
Тілді үйрену – тек сабақ үстінде ғана емес, көңілді әрі еркін ортада да жалғасын табады. Осындай танымдық және қызықты шаралар мектеп өмірін жандандырып, оқушылардың білімге деген ынтасын арттыра түседі.

“Оқитын сынып” жобасы аясында 7 сынып оқушыларының Мұхтар Әуезовтің “Жетім” әңгімесі

Түркістан облысы,Отырар ауданы,Абай атындағы жалпы білім беретін мектебінде 18.09.26 ж “Оқитын сынып” жобасы аясында 7 сынып оқушыларының Мұхтар Әуезовтің “Жетім” әңгімесі бойынша әдеби - танымдық іс-шарасы өткізілді.
Мақсаты: Оқушыларға М.Әуезовтің”Жетім” шығармасының мазмұнын таныту, Қасымның тағдыры арқылы мейірімділік, адамгершілік, қамқорлық құндылықтарын дәріптеу.
Сахналық қойылым барысында оқушылар өздеріне берілген рөлдерді жауапкершілікпен орындап, кейіпкерлердің көңіл күйін жеткізуге тырысты.
Іс-шара соңында шығармашылық және аналитикалық тапсырмаларға”Кейіпкерлер әлемі”, “Автор орындығы” оқушылар белсенділік танытып, сұрақтарға жауап беріп ,өз ойларын еркін жеткізді.

“ Тіл - жүректің жаны”

Абай атындағы жалпы білім беретін мектебінде “ Тіл - жүректің жаны” атты үш тіл бірлестігінің айлық барысында мектеп кітапханашысы Сүлейменова Мадинамен бірлесе отырып орыс тілі мен әдебиеті пәнінің мұғалімі Жұмабай Замира “ Наследие Абая” тақырыбында көрме ұйымдастырды.
Мақсаты: оқушыларды ұлы ақынның шығармаларымен таныстыру.

“Зерделі ұлт-оқымысты ұлт”

Түркістан облысы, Отырар ауданы, Абай атындағы жалпы білім беретін мектебінде “Зерделі ұлт-оқымысты ұлт” оқырмандар клубының бас қосуы қазақтың ұлы ақыны, педагог, ағартушы Мағжан Жұмабаевтың “Педагогика” еңбегіне арналады.
Мектеп директоры Әбдрайым А.Т бастауымен Мағжан Жұмабаевтың “Педагогика” еңбегіне талдау жүргізді. Талдау барысында “Педагогика” еңбегінің мазмұны, құрылымы және тәрбиелік мәні қарастырылды. Еңбекте баланың жан дүниесі, тәрбие мен оқыту мәселелері, ақыл-ой, мінез-құлық, сезім тәрбиесі және педагогтың бала тәрбиесіндегі жауапкершілігі туралы айтылған ойлар талқыланды.
Қатысушылар еңбек мазмұнына өз пікірлерін білдіріп, Мағжан Жұмабаевтың педагогикалық көзқарастарының қазіргі білім беру үдерісімен үндестігіне тоқталды.
Мағжан Жұмабаевтың “Педагогика” еңбегіне жүргізілген талдау қатысушылардың ұлттық педагогика туралы білімдерін толықтырып, кітапты тереңірек оқып, оның мазмұнын білім беру тәжірибесімен байланыстыра қарастыруына мүмкіндік берді.

«Тіл және Ахмет Байтұрсынұлы мұралары» тақырыбында танымдық кітап көрмесі

Абай атындағы жалпы білім беретін мектепте тілдер айлығының қарсаңына
ТІЛ ЖӘНЕ АХМЕТ БАЙТҰРСЫНҰЛЫ МҰРАЛАРЫ
📅 18 қыркүйек 2026 жыл
Тілдер айлығы аясында 8-сынып оқушылары арасында «Тіл және Ахмет Байтұрсынұлы мұралары» тақырыбында танымдық кітап көрмесі ұйымдастырылды.
Көрменің мақсаты – оқушыларға ұлт ұстазы Ахмет Байтұрсынұлының өмірі мен шығармашылығын кеңінен таныстыру, оның қазақ тіл біліміне, әдебиетіне және ұлттық мәдениетке қосқан өлшеусіз еңбегін насихаттау.
Көрме барысында оқушылар Ахмет Байтұрсынұлының өмір жолы мен шығармашылық мұрасымен, ғылыми еңбектерімен, қазақ тілін зерттеудегі жаңашыл бастамаларымен танысты. Кітаптар мен көрнекі материалдар арқылы оқушылардың ана тіліне деген сүйіспеншілігі мен ұлттық құндылықтарға деген құрметі артты.
🌿 Ахмет Байтұрсынұлының мұрасы – ұлт руханиятының асыл қазынасы.
Ана тілін ардақтау – әрбір ұрпақтың парызы.
Көрмені ұйымдастырып, жас ұрпаққа тағылымды бағыт-бағдар берген қазақ тілі мен әдебиеті пәні мұғалімдері Шонтық Райхан мен Қойшыбай Гүлбазар

«Тіл – халықтың жаны»

«Тіл – халықтың жаны» атты тілдер айлығы аясында «Достық жәрмеңкесі» өтті!
📅 2026 жылғы 9 қыркүйек күні Абай атындағы жалпы білім беретін мектебінде қазақ, орыс және ағылшын тілдері айлығы аясында 5–6 сынып оқушылары арасында «Достық жәрмеңкесі» ұйымдастырылды.
Іс-шараны орыс тілі және ағылшын тілі пәндерінің мұғалімдері Тұрсынбаев Р., Ибрагимов Е., Жақсыбек Ж., Омархан А. ұйымдастырып өткізді.
Жәрмеңке барысында оқушылар өз қолдарымен дайындаған түрлі тағамдар мен тәттілерін ұсынып, өзара тәжірибе бөлісті. Оқушылардың шығармашылығы, ұйымшылдығы мен белсенділігі ерекше байқалды.
5–6 сынып оқушылары іс-шараға өте белсенді қатысып, өздерінің тапқырлығы мен өнерлерін көрсетті. Жәрмеңке барысында оқушылар бір-біріне қолдау көрсетіп, достық қарым-қатынасты нығайтып, көтеріңкі көңіл-күй сыйлады.
Осындай іс-шаралар оқушылардың тілге деген қызығушылығын арттырып қана қоймай, достыққа, ынтымақтастыққа, бірлікке және өзге мәдениеттерді құрметтеуге тәрбиелейді.
Тіл – достықтың дәнекері, халықтарды біріктіретін алтын көпір!

«Жасөспірім» жедел – профилактикалық»

«Абай атындағы жалпы білім беретін мектеп» коммуналдық мемлекеттік мекемесі бойынша «Жасөспірім» жедел – профилактикалық» іс-шарасы барысында Отырар АПБ-нің қызметкерлердің қатысуымен кәмелетке толмағандар арасындағы құқықбұзушылықтың алдын алу, интернеттік алаяқтықтан сақтану және көлік жүргізу, мопед т.б жеңіл көліктерді басқармаудың алдын алу аясында 8-11сыныптар арасында жалпы жиын болып өтті.
Жиынға қатысушылар: Мектеп директоры: А.Әбдрайым, ДТІЖО: Қ.Батырбек, педагог психолог З.Тулегенова, 8-11сынып оқушылары және сынып жетекшілерлер.
Күн тәртібінде: Отырар АПБ ККБ ЮПТ-нің инспекторы полиция аға лейтенанты Н.Төлеген-нің қатысуымен кәмелетке толмағандар арасындағы құқықбұзушылықтың алдын алу интернеттік алаяқтықтан сақтану және көлік жүргізу, мопед т.б жеңіл көліктерді басқармаудың алдын алу аясында, 8-11сыныптар арасында жалпы түсіндірме жұмыстары туралы .
Тыңдалды: Отырар АПБ ККБ ЮПТ-нің инспекторы полиция аға лейтенанты Н.Төлеген кәмелетке толмағандардың арасында құқық бұзушылық бойынша орын алған оқыс оқиғалар жөнінде баяндап өтті. Мектеп оқушыларының жеңіл көліктерді , мопед, электроскутерді басқармау жөнінде түсіндіріп өтті. Кешкілік сағат 22.00 ден кейін заңды өкілсіз көшеде, ойын-сауық орындарында болмауын ескертті. Арнайы рейд кезінде осы аталған оқиғалар орын алған жағдайда әкімшілік хаттама толтырылып, ата-анасына айыппұл салынатындығын және АПБ-не есепке алынатындығын қатаң ескертіп өтті. Сонымен қатар аудан көлемінде орын алып жатқан кәмелетке толмағандар арасындағы қылмыстар жөнінде атап өтіп, оларға қолданылған шараларға тоқталды. Оқушылардың сабақтан кешікпеуін, себепсіз сабақтан қалмауын және де сабақтан себепсіз 10 күн қалған оқушы арнайы есепке алынатындығын ескертіп өтті. Сонымен қатар күзгі маусым кезінде төтенше жағдайлардың алдын алу бойынша түсіндірме жұмыстарын айтып өтті.

«СЕНІМДІ ДОС» бағдарламасы аясында ақпараттандыру жұмыстары

Түркістан облысы Отырар ауданының білім бөліміне қарасты «Абай атындағы жалпы білім беретін мектеп» КММ-де балалар арасындағы суицидтік мінез-құлықтың алдын алуға бағытталған «СЕНІМДІ ДОС» бағдарламасы аясында ақпараттандыру жұмыстары жүргізілді.
Алдын алу бағдарламасына мектеп әкімшілігі, педагог-психолог, әлеуметтік педагог, сынып жетекшілері және педагогтар, медбике, кіші қызметкерлер, кітапханашы қатысты.
Бағдарламаның негізгі мақсаты – білім беру ұйымы қызметкерлерінің оқушылардың эмоционалдық жағдайындағы өзгерістерді дер кезінде байқап, суицидтік қауіптің негізгі белгілерін анықтауына, дағдарыстық жағдайда дұрыс әрі қауіпсіз әрекет ету алгоритмін меңгеруіне және өз кәсіби міндеттері мен жауапкершілік шегін түсінуіне ықпал ету.
Кездесу барысында оқушылардың психологиялық көңіл күйін бақылау, мінез-құлқындағы өзгерістерге назар аудару, эмоционалдық қиындықтар мен дағдарыс белгілерін ерте анықтау мәселелері қарастырылды. Сонымен қатар балаға қолдау көрсету кезінде сенімді қарым-қатынас орнатудың, оны мұқият тыңдап, түсіністік танытудың маңыздылығы айтылды.
Қиын жағдайға тап болған оқушыға қажетті көмекті уақытылы ұйымдастыру, тиісті мамандарға бағыттау және білім алушының қауіпсіздігін қамтамасыз ету бойынша педагогтердің атқаратын рөлі ерекше аталып өтілді.
Сондай-ақ мектепте әрбір білім алушы өзін қауіпсіз әрі қолдау бар ортада сезінуі үшін қолайлы психологиялық ахуал қалыптастырудың маңыздылығы атап өтілді. Балаға көрсетілген дер кезінде қолдау, жылы қарым-қатынас және түсіністік оның қиындықтарды еңсеруіне үлкен септігін тигізеді.
Бала қауіпсіздігі – баршамызға ортақ жауапкершілік!

Қазақ, орыс және ағылшын тілдері айлығы

2026 жылғы 7 қыркүйек күні Абай атындағы жалпы білім беретін мектебінде Қазақ, орыс және ағылшын тілдері айлығы салтанатты түрде ашылды.
✨ Айлықтың негізгі мақсаты – оқушылардың тіл үйренуге деген қызығушылығын арттыру, үш тілде еркін сөйлеуге ынталандыру, ана тілімізді құрметтеуге және өзге тілдерді меңгеруге баулу.
🇰🇿 Қазақ тілі – ұлттың рухы,
🇷🇺 Орыс тілі – білім мен мәдениет тілі,
🇬🇧 Ағылшын тілі – әлемдік мүмкіндіктер тілі.
Айлықтың ашылу барысында оқушылар үш тілде өлеңдер оқып, ән айтып, тілге байланысты жасынды интеллектпен жасалған видеолар көрсетіліп, ойындар ойнатылды.
🎉 Алдағы күндері оқушылар үшін түрлі танымдық сайыстар, интеллектуалдық ойындар, шығармашылық байқаулар мен қызықты іс-шаралар ұйымдастырылады.
Тіл – халықтың жаны. Тілді құрметтеу – ұлтты құрметтеу!

5 қыркүйек- ұлт ұстазы Ахмет Байтұрсынұлының тұған күні

Түркістан облысы,Отырар ауданы,Абай атындағы Жалпы білім беретін мектебімізде 5-11 сынып оқушыларымен 07.09.2026 жыл 5 қыркүйек- ұлт ұстазы Ахмет Байтұрсынұлының тұған күні және Қазақстан Халқының тілдер күніне орай “Тіл- халықтың жаны”тақырыбында әдеби танымдық іс- шара өткізілді. Мақсаты: Оқушыларға ана тілінің қадір-қасиетін түсіндіру,тілге деген құрметін арттыру.Ұлт ұстазы Ахмет Байтұрсынұлының өмірі мен шығармашылығын таныстыру,ғалымның қазақ тілі мен әдебиетіне қосқан үлесін насихаттау.Іс- шара барысында оқушыларға қазақ тілінің ұлт өміріндегі маңызы,тілдің халықтың тарихы мен мәдениетін сақтаудағы рөлі туралы мағлұмат берілді. Оқушылар қазақ тілі,орыс тілі және ағылшын тілінде өлеңдерді жатқа айтты.Сонымен қатар ойындарға қатысып өз білімдерін ортаға салды.

1 қыркүйек – Білім күні

Абай атындағы жалпы білім беретін мектебінде 1 қыркүйек – Білім күніне арналған салтанатты жиын ұйымдастырылды.
Мерекелік жиынға мектеп ұжымы, оқушылар, ата-аналар, ауылымыздың қадірлі қонақтары мен ардагер ұстаздар қатысты.
Іс-шара барысында алғашқы құттықтау сөз мектеп директоры Әбдрайым Ахмет ағайға беріліп, жаңа оқу жылына ізгі тілектер айтылды. Сонымен қатар ауыл әкімі Олжатай Шерхан мырза және аудандық білім бөлімінің бастығы Сапарова Гүлбану апай мектеп ұжымы мен оқушыларды жаңа оқу жылының басталуымен құттықтап, білім жолында сәттілік тіледі.
Мектептің білім мен тәрбие саласына сан жылдарын арнаған ардагер ұстаздарымызға да сөз беріліп, олардың жүрекжарды ақ тілектері мен баталары тыңдалды.
Салтанатты жиын барысында мектеп табалдырығын алғаш аттаған 1-сынып оқушыларына ерекше құрмет көрсетіліп, білім әлеміне алғашқы қадамдарына сәттілік тілектер айтылды.
Мерекелік шара барысында оқушылардың орындауында әндер мен тақпақтар айтылып, мектеп өмірінің маңыздылығы мен білімнің адам өміріндегі орны кеңінен насихатталды.
Жиын соңында жаңа оқу жылына арналған алғашқы қоңырау соғылып, білім ордасында жаңа оқу жылының алғашқы сабағына жол ашылды.
Жаңа оқу жылы барша ұстаздар мен оқушыларға шығармашылық табыс, мол жетістік, биік белестер әкелсін!
Білімді ұрпақ – ел болашағы!
# АдалАзамат

1 ішінен 20 беті

Пайдалы ресурстар